(បន្ទាយមានជ័យ)៖ នាល្ងាចថ្ងៃពុធ ទី០៨ ខែមិថុនា ឆ្នាំ២០២២ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានអញ្ជើញចូលរួមជាមួយក្រុមកីឡាករបាល់ទាត់មហាជនខេត្តបន្ទាយមានជ័យ ប្រកួតលក្ខណៈមិត្តភាព ផ្លាស់ប្តូរបទពិសោធន៍ ជាមួយក្រុមកីឡាករបាល់ទាត់យុវជនមកពីក្រុងប៉ោយប៉ែតនៅតារាងបាល់ទាត់Happy Sport ។
ការប្រកួតនេះផ្តោតសំខាន់ ក្នុងការដកស្រង់ ផ្លាស់ប្តូរបទពិសោធន៍ពីគ្នាទៅវិញមក ដោយមិនផ្តោតសំខាន់ទៅលេីលទ្ធផលនោះទេ ។
គូរបញ្ជាក់ផងដែរថា ជានិច្ចជាកាលលោកឧត្តមសេនីយ៍ត្រី បោន ប៊ិន តែងតែដឹកនាំកីឡាករ នៃបញ្ជាការដ្ឋានកងរាជអាវុធហត្ថខេត្ត ចូលរួមលេងកីឡាជាប្រចាំ មិនថាកីឡាបាល់ទាត់ បាល់ទះ ឬវាយសីនោះទេ ។ ជាមួយគ្នានោះដែរក្រុមកីឡាករនៃបញ្ជាការដ្ឋានកងរាជអាវុធហត្ថខេត្ត ក៏រីករាយទទួលស្វាគមន៍ ចំពោះកីឡាករដែលចង់ប្រកួតដេីម្បីចូលរួមលេីកកម្ពស់វិស័យកីឡា ក៏ដូចជាលេងកីឡាដេីម្បីទទួលបាននូវសុខភាពល្អផងដែរ ។
No comments:
Post a Comment