រដ្ឋបាលខេត្តកំពត ទទួលអំណោយពីសប្បុរសជន សម្រាប់វិធានការបង្ការ និងទប់ស្កាត់ ជំងឺកូវីដ១៩ នៅក្នុងខេត្តកំពត

ខេត្តកំពត៖ នៅព្រឹក ថ្ងៃព្រហស្បតិ៍ ២កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៣ ខែមេសា ឆ្នាំ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានទទួលអំណោយពី លោកឧកញ៉ា ជា សារ៉ន អគ្គនាយកក្រុមហ៊ុន ជា សារ៉ន រៀលធី ឯ.ក សម្រាប់វិធានការបង្ការ និងទប់ស្កាត់ ជំងឺកូវីដ១៩ នៅក្នុងខេត្តកំពត ក្នុងនោះរួមមាន ថវិកា៤,០០០,០០០រៀល មី១០០កេះ និងទឹកសុទ្ធ៣០០កេះ។

ក្នុងនោះដែរ ឯកឧត្តមអភិបាលខេត្ត បានថ្លែងអំណរគុណ និងកោតសរសើរដល់លោកអគនាយកក្រុមហ៊ុន ដែលតែងតែផ្តល់ជាអំណោយ និងសម្ភារ:ជូនដល់ រដ្ឋបាលខេត្ត ដើម្បីបម្រើដល់ដំណើររដ្ឋបាលខេត្ត នានា ជាពិសេសជួយដល់ខេត្តក្នុងយុទ្ធនាការបង្ការ និងទប់ស្កាត់ជំងឺកូវីដ១៩ នៅក្នុងខេត្តកំពត ។