ភ្នំពេញ៖ យុវជនម្នាក់ត្រូវបានកម្លាំងសមត្ថកិច្ចសង្កាត់កាកាបទី១ ដេញតាមចាប់ខ្លួនបានភ្លាមៗ ក្រោយពីបានធ្វើសកម្មភាពឆក់កាបូបពីនារីម្នាក់ ដែលកំពុងធ្វើដំណើរតាមផ្លូវ កាលពីថ្ងៃទី១៩ ខែមីនា ឆ្នាំ២០២០ វេលាម៉ោង០៧:៥០នាទីព្រឹក ស្ថិតនៅតាមបណ្ដោយផ្លូវ២០០៤ត្រង់ចំណុចស្តុបអង្គតាមុិញ ក្នុងភូមិត្រពាំងល្វាទី២ សង្កាត់កាកាបទី១ខណ្ឌពោធិ៍សែនជ័យ រាជធានីភ្នំពេញ។
ប្រភពពីសម្ថកិច្ចបានអោយដឹងថា កម្លាំងនគរបាលប៉ុស្ដិ៍កាកាប១ សហការជាមួយផ្នែកជំនាញខណ្ឌចេញល្បាតពួនស្ទះស្រាប់តែប្រទះឃើញជនសង្ស័យឈ្មោះ វង់ រិទ្ធី ភេទប្រុស អាយុ ២៤ឆ្នាំ ជាសិស្ស ស្នាក់នៅផ្ទះលេខ៦៥ ផ្លូវលេខ១៤៦ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ជិះម៉ូតូមួយគ្រឿងម៉ាកហុងដា សេ១២៥ ពណ៌ស សេរី២០២០ ពាក់ស្លាកលេខ ភ្នំពេញ1HY-4343 បានធ្វើសកម្មភាពឆក់កាបូប ពីជនរងគ្រោះឈ្មោះ សាំង ឧត្តម ភេទស្រី អាយុ៣៩ឆ្នាំ មានមុខរបរជាកម្មការិនីរោងចក្រ ស្នាក់នៅភូមិទ្រង់មាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ក្រោយពេលជនសង្ស័យធ្វើសកម្មភាពរួច ភ្លាមៗនោះកម្លាំងនគរបាលជិះម៉ូតូដេញតាមចាប់ពីក្រោយ ដោយឃាត់ខ្លួនបាននៅចំណុចខាងលើកពេលនោះដែរ ព្រមទាំងដកហូតបានវត្ថុតាងនៅជាប់នឹងខ្លួនថែមទៀតផង។
ក្រោយពេលឃាត់ខ្លួន សមត្ថកិច្ចបាននាំខ្លួនជនសង្ស័យទៅឃុំខ្លួនបណ្ដោះអាសន្ននៅអធិការខណ្ឌពោធិ៍សែនជ័យ ដេីម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕
Friday, March 20, 2020
ជនសង្ស័យឆក់កាបូបពីនារីម្នាក់បានហើយតែរត់គេចមិនផុតពីសមត្ថកិច្ចប៉ុស្តិ៍កាកាបទី១
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment