ខេត្តក្រចេះ៖ នាថ្ងៃអាទិត្យ ១កើត ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៣ ខែកុម្ភៈ ឆ្នាំ២០២០ នាយឧត្តមសេនីយ៍ គន់ គីម ដឹកនាំកិច្ចប្រជុំ បូកសរុបលទ្ធផលការងារឆ្នាំ២០១៩ និងទិសដៅការងារឆ្នាំ២០២០ និងត្រួតពិនិត្យការងារគ្រប់គ្រងគ្រោះមហន្តរាយ និងការងារអតីតយុទ្ធជន ដោយមានការអញ្ជើញចូលរួមពីឯកឧត្តម វ៉ា ថន អភិបាលខេត្តក្រចេះ ថ្នាក់ដឹកនាំតាមក្រសួងពាក់ព័ន្ធ ថ្នាក់ដឹកនាំខេត្ត មន្ទីរអង្គភាព កងកំលាំងប្រដាប់អាវុធទាំងបី ជុំវិញខេត្ត ក្រុង-ស្រុក និងអាជ្ញាធរឃុំ-សង្កាត់ទាំង៤៧។
ឯកឧត្ដម វ៉ា ថន អភិបាលខេត្តក្រចេះ ជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត មានប្រសាសន៍ស្វាគមន៍ និងរាយការណ៍ និងរបាយការណ៍របស់លោកឧត្ដមសេនីយ៍ទោ លន់ សុផាត ប្រធានសមាគមអតីតយុទ្ធជនខេត្ត ។
ឯកឧត្តមទេសរដ្ឋមន្រ្តី បាននាំការផ្តាំផ្ញេីសួរសុខទុក្ខ ពីសម្តេចតេជោ នាយករដ្ឋមន្ត្រី និងជាប្រធាន គណៈកម្មាធិការជាតិគ្រប់គ្រងគ្រោះមហន្តរាយ និងសម្តេចកិត្តិព្រឹទ្ធបណ្ឌិត ជូនដល់មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋ ទូទាំងខេត្ត ឯកឧត្ដមទេសរដ្ឋមន្រ្តី បានកោតសសេីរចំពោះការខិតខំបំពេញការងារប្រកបដោយស្មារតីទទួលខុសត្រូវខ្ពស់ របស់គណៈកម្មាធិការគ្រប់គ្រងគ្រោះមហន្តរាយថ្នាក់ខេត្ត ថ្នាក់មូលដ្ឋាន និងសមាគមអតីតយុទ្ធជន គ្រប់ថ្នាក់ ដោះស្រាយរាល់បញ្ហាប្រឈម និងកាត់បន្ថយហានិភ័យគ្រោះមហន្តរាយ ធ្វេីអោយប្រជពលរដ្ឋ និងអតីតយុទ្ធជនយេីងមានជីវភាពប្រសេីរឡេីង។ ជាមួយគ្នានេះ ឯកឧត្តម ក៍បានណែនាំអោយ ខេត្ត និងមូលដ្ឋានត្រូវយកចិត្តទុកដាក់ ។
១ • ត្រូវក្តាប់ជាបព័ត៌មានអំពីការកេីតគ្រោះមហន្តាយ និងមុខសញ្ញាងាយទទួលរងគ្រោះ។
២ • មានវិធានការទប់ស្កាត់ សង្គ្រោះ និងឆ្លើយតប ទៅនឹងគ្រោះមហន្តរាយអោយបានទាន់ពេលវេលា សំដៅកាត់បន្ថយផលប៉ះពាល់អោយនកំរិតទាបបំផុត។
៣ • តាមសំណេីរបស់ខេត្ត ឯកឧត្តម ទេសរដ្ឋមន្រ្តី បានសុំអោយក្រសួងពាក់ព័ន្ធ ពន្លឿនការដោះស្រាយដីជូនប្រជាពលរដ្ឋដែលរងគ្រោះដោយការបាក់ស្រុតច្រាំងទន្លេជាង១០០គ្រួសារ ដែលអត់ដីសង់លំនៅដ្ឋាន តាមសំណេីរបស់ខេត្ត។
៤ • ជម្រុញការសាងសង់ផ្ទះជូនអតីតយុទ្ធជន៤០ខ្នង នៅទីតាំងថ្មី ឃុំក្បាលដំរី ស្រុកសំបូរ ដេីម្បីចែកជូនបងប្អូនមុនរដូវវស្សា
៥ • ចំពោះអ្នកដែលរស់នៅលេីផ្ទះអំណយរបស់សម្តេច នៅ ភូមិសំបួរសែនជ័យ ៥ឆ្នាំហេីយ សុំអោយស្ថាប័នជំនាញចេញប័ណ្ណកម្មសិទ្ធជូនគាត់ និងមានវិធានការចំពោះអ្នកដែលមិនមកនៅ ឬមកម្តងកាល។
៦ • ត្រូវបន្តមេីលថែបងប្អូនអតីតយុទ្ធជន ដលជួបលំបាក មានធុរះ និងមានជំងឺ។ នៅពេលមានគ្រោះមហន្តរាយ មុខសញ្ញាដែលងាយរងគ្រោះ គឺជាអាទិភាពដែលយេីងត្រូវយកចិត្តទុកដាក់។
៧ • ទាក់ទងទៅនឹងការបាក់ច្រាំងទន្លេ សុំអោយខេត្ត និងក្រសួងជំនាញ ធ្វេីការសិក្សាស្តាផ្លូវទឹកដេីម្បីបញ្ជៀសមុខទឹកចេញ។
ត្រូវចាត់ទុក ការងារគ្រប់គ្រង គ្រោះមហន្តរាយ ជាការងាររបស់យេីងទាំងអស់គ្នា។
Monday, February 24, 2020
Home
ព័ត៌មានជាតិ
ឧត្តមសេនីយ៍ គន់ គីម ដឹកនាំកិច្ចប្រជុំ បូកសរុបលទ្ធផលការងារឆ្នាំ២០១៩ និងទិសដៅការងារឆ្នាំ២០២០ និងត្រួតពិនិត្យការងារគ្រប់គ្រងគ្រោះមហន្តរាយ និងការងារអតីតយុទ្ធជន
ឧត្តមសេនីយ៍ គន់ គីម ដឹកនាំកិច្ចប្រជុំ បូកសរុបលទ្ធផលការងារឆ្នាំ២០១៩ និងទិសដៅការងារឆ្នាំ២០២០ និងត្រួតពិនិត្យការងារគ្រប់គ្រងគ្រោះមហន្តរាយ និងការងារអតីតយុទ្ធជន
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment