សមត្ថកិច្ចចុះត្រួតពិនិត្យទីតាំងម៉ាស្សា Diamond ក្រោយមានការសង្ស័យថា មានបម្រើសេវាកម្មផ្លូវភេទ

ភ្នំពេញ៖ អាជ្ញាធរខណ្ឌដូនពេញ ដឹកនាំដោយលោក សុខ ពេញវុធ នៅរសៀលថ្ងៃទី២៦ ខែវិច្ឆិកា ឆ្នាំ២០២០នេះ បានចុះត្រួតពិនិត្យមើលអាជីវកម្មទីតាំងម៉ាស្សាយីហោ «Diamond Massage» នៅខណ្ឌដូនពេញ ក្រោយមានការចែកចាយវីដេអូតាមបណ្ដាញសង្គម Facebook សង្ស័យថា ទីតាំងនេះមានបង្កប់សេវាកម្មបម្រើផ្លូវភេទ។

លោក សុខ ពេញវុធ បានឱ្យដឹងថា ក្រោយទទួលបានព័ត៌មាន កម្លាំងជំនាញក្រោមការសម្របសម្រួលពីតំណាងអយ្យការ បានចុះពិនិត្យស្ថានភាពជាក់ស្ដែង ទីតាំងម៉ាស្សា «Diamond Massage» នេះតែម្ដង។