យោងតាមរបាយការណ៍លម្អិតពីអាជ្ញាធរ នៅរសៀលថ្ងៃដដែលបានឲ្យដឹងថា ការដ្ឋានសំណង់ខាងលេីនេះ មានលិខិតអនុញ្ញាតសាងសង់ចេញដោយសាលារាជធានីភ្នំពេញ ចុះថ្ងៃទី១៧ ខែមករា ឆ្នាំ២០១៩ និង លិខិតបើកការដ្ឋាន ។ បច្ចុប្បន្នការដ្ឋានបានសាងសង់១១ជាន់ត្រឹមត្រូវ ទៅតាមលិខិតអនុញ្ញាតសាងសង់ ។
ចំពោះជាវិធានការលេីករណីនេះ អាជ្ញាធរបានសម្រេច ដូចខាងក្រោម ៖
ទី១,ផ្អាកការដ្ឋានសាងសង់ជាបណ្ដោះអាសន្ន ។
ទី២,ម្ចាស់ការដ្ឋាន ត្រូវដោះស្រាយសំណងរដ្ឋប្បវេណីដល់គ្រួសារសព និង គ្រួសារអ្នករងរបួសធ្ងន់ឲ្យបានចប់សព្វគ្រប់ជាមុនសិន ។
ទី៣,មិនអនុញ្ញាតឲ្យក្រុមជាងនិងកម្មករស្នាក់នៅក្នុងការដ្ឋានក្នុងអំឡុងពេលផ្អាកការសាងសង់បណ្តោះអាសន្ននេះឡើយ ។
ទី៤,ត្រូវរៀបចំប្រព័ន្ធសុវត្ថិភាពការដ្ឋានឡើងវិញឲ្យបានត្រឹមត្រូវ ។
ទី៥,បន្ទាប់ពី ម្ចាស់ការដ្ឋាន បានអនុវត្តតាមចំណុចទី១ ទី២ ទី៣ និងទី៤ ខាងលើបានចប់សព្វគ្រប់ហើយ ម្ចាស់ការដ្ឋានសំណង់ ត្រូវដាក់ពាក្យស្នើសុំបើកការដ្ឋានឡើងវិញពីរដ្ឋបាលខណ្ឌដូនពេញ ។
គួរបញ្ចាក់ថា ក្នុងករណីបាក់ជណ្ដេីរយន្តខាងលេីនេះ មិនមានវត្តមានម្ចាស់ការដ្ឋាន ឬ តំណាងម្ចាស់ការដ្ឋាន ចូលមកសហការជាមួយអាជ្ញាធរសាលាខណ្ឌដូនពេញ ក្នុងការធ្វើកំណត់ហេតុផ្អាកទីតាំងសំណង់ នោះឡេីយ៕
No comments:
Post a Comment