ខេត្តកំពង់ឆ្នាំង៖ នៅព្រឹកថ្ងៃសុក្រ ទី៣១ ខែកក្កដា ឆ្នាំ២០២០នេះ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញជាអធិបតីក្នុងពិធីចែកអំណោយជូនប្រជាពលរដ្ឋងាយរងគ្រោះ ចំនួន ៣០០ គ្រួសារ។ កម្មវិធីនេះរៀបចំឡេីងដោយអង្គការតុកកែញញឹម នៅបរិវេណសាលាស្រុកសាមគ្គីមានជ័យ ដោយមានការចូលរួមពីលោកនាយករដ្ឋបាលសាលាខេត្ត ប្រធានមន្ទីរ អង្គភាពក្នុងខេត្ត អភិបាលរងរស្រុក ប្រធានក្រុមប្រឹក្សាស្រុក មន្រ្តីរាជការចំណុះសាលាស្រុក មេឃុំ មេភូមិ ស.ស.យ.ក.ស្រុក យុវជនស្រឡាញ់សន្តិភាពស្រុក និងប្រជាពលរដ្ឋ។
ឯកឧត្ដម ឈួរ ច័ន្ទឌឿន បានមានប្រសាសន៍ថាៈ ដោយសារប្រទេសមានសុខសន្តិភាព ពេញលេញទើបធ្វើឱ្យប្រជាពលរដ្ឋគ្រប់រូប គ្រប់ក្រុមគ្រួសារ បានរស់នៅដោយភាពសុខសាន្ត បានឃើញពីការរីកចម្រើនយ៉ាងឆាប់រហ័សរបស់ប្រទេសជាតិយើង។ សន្តិភាពបានកើតឡើងពីការចូលរួមគ្រប់ភាគីទាំងអស់ក្រោមការដឹកនាំរបស់ប្រមុខថ្នាក់ដឹកនាំគណបក្សប្រជាជនកម្ពុជា។
ឯកឧត្ដម បានកោតសរសើរដល់អង្គការតុកកែញញឹម ដែលបានចូលរួមចំណែកក្នុងការងារសង្គម ទាំងផ្អែកបណ្តុះបណ្តាលធនធានមនុស្ស និងជាក់ស្តែងក្នុងថ្ងៃនេះបានរៀបចំកម្មវិធីចែកអំណោយជូនបងប្អូនប្រជាពលរដ្ឋងាយរងគ្រោះក្នុងដំណាក់កាលជួបវិបត្តិជំងឺកូវីដ១៩នេះ។
ក្នុងឱកាសនោះដែរ ឯកឧត្ដម បានធ្វើការណែនាំ ដល់បងប្អូនប្រជាពលរដ្ឋ ពីវិធានការការពារខ្លួនពីជំងឺផ្សេងៗ ជាពិសេសជំងឺកូវីដ១៩ ត្រូវអនុវត្តតាមវិធានការរបស់រាជរដ្ឋាភិបាលកម្ពុជា និងតាមគោលកាណ៍ ណែនាំរបស់ក្រសួងសុខាភិបាលឱ្យបានជាប្រចាំ បើមានបងប្អូនប្រជាពលរដ្ឋទើបតែវិលត្រឡប់មកពីក្រៅប្រទេសវិញសូមរាយការណ៍មកអាជ្ញាធរក្នុងមូលដ្ឋាន។
អំណោយផ្តល់ជូនក្នុងមួយគ្រួសាររួមមាន៖ អង្ករ ២៥ គីឡូក្រាម, បន្លែរ ១គីឡូ, ត្រី ១គីឡូក្រាម, សាច់ជ្រូក ០៧ខាំ, ទឹកត្រី ០២ដប, ទឹកស៊ីអ៊ីវ ២ដប, ស្កសរ ១គីឡូក្រាម, អំបិលអុីយ៉ូត ១គីឡូក្រាម, ខ្ទឹមស ១គីឡូក្រាម, ប្រេងឆា១លីត្រ និងទឹកសណ្តែក១យួរ៕
Saturday, August 1, 2020
Home
ព័ត៌មានជាតិ
អភិបាលខេត្តកំពង់ឆ្នាំង អញ្ជើញចុះចែកអំណោយជូនប្រជាពលរដ្ឋងាយរងគ្រោះ ចំនួន ៣០០គ្រួសារ នៅក្នុងឃុំត្បែងខ្ពស់ ស្រុកសាមគ្គីមានជ័យ
អភិបាលខេត្តកំពង់ឆ្នាំង អញ្ជើញចុះចែកអំណោយជូនប្រជាពលរដ្ឋងាយរងគ្រោះ ចំនួន ៣០០គ្រួសារ នៅក្នុងឃុំត្បែងខ្ពស់ ស្រុកសាមគ្គីមានជ័យ
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment