Saturday, July 18, 2020

Home ព័ត៌មានជាតិ ក្រុមមន្ត្រីជំនាញចុះត្រួតពិនិត្យ និងនិងវាយតម្លៃគុណភាពផ្លូវ ចំនួន៣គម្រោងនៅខេត្តកណ្តាល និងខេត្តសៀមរាប

ក្រុមមន្ត្រីជំនាញចុះត្រួតពិនិត្យ និងនិងវាយតម្លៃគុណភាពផ្លូវ ចំនួន៣គម្រោងនៅខេត្តកណ្តាល និងខេត្តសៀមរាប

ភ្នំពេញ៖ នៅថ្ងៃទី១៧ ខែកក្កដា ឆ្នាំ២០២០ គណ:កម្មការអន្តរក្រសួង រួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដែលដឹកនាំដោយ លោក សាន វិសាល រដ្ឋលេខាធិការ បានចុះត្រួតពិនិត្យ វាយតម្លៃ និងបញ្ចប់សុពលភាព លើការងារស្ថាបនាផ្លូវ និងលូ ចំនួន៣ គម្រោង ដែលអនុវត្តដោយនាយកដ្ឋានស្ថាបនា និងវិស្វកម្ម នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ប្រើប្រាស់ថវិកាជំពូក ២១ដែលរួមមាន៖
១/. ការងារស្ថាបនាផ្លូវក្រាលកៅស៊ូពីរជាន់ ប្រភេទ DBST ចំនួន១ខ្សែ ប្រវែង២២០០ ម៉ែត្រ និងផ្លាកឈ្មោះផ្លូវ ២កន្លែង ស្ថិតក្នុងស្រុកមុខកំពូល ខេត្តកណ្តាល។
២/. ការងារស្ថាបនាផ្លូវក្រាលក្រួសក្រហម ០៣ ខ្សែ ប្រវែងសរុប៩០០០ម៉ែត្រ សាងសង់លូប្រអប់មុខបី ០១ កន្លែង លូមូលមុខពីរ០៤កន្លែង លូមូលមុខមួយ ០៧ កន្លែង និងផ្លាកឈ្មោះផ្លូវ ២កន្លែង ស្ថិតក្នុងស្រុកជីក្រែង ខេត្តសៀមរាប។
៣/. ការងារស្ថាបនាផ្លូវក្រាលក្រួសក្រហម ០១ខ្សែ ប្រវែង៦៥០០ ម៉ែត្រ សាងសង់លូមូលមុខបី ០១កន្លែង លូមូលមុខពីរ០២កន្លែង លូមូលមុខមួយ០៣កន្លែង និងផ្លាកឈ្មោះផ្លូវ០២កន្លែងស្ថិតក្នុងស្រុកជីក្រែង ខេត្តសៀមរាប។ (បញ្ចប់សុពលភាព)

ជាលទ្ធផល គណៈកម្មការអន្តរក្រសួងសម្រេចវាយតម្លៃ១០០ % សម្រាប់គម្រោងទី១ និងទី២ ជាមួយគ្នានេះសម្រេចបញ្ចប់សុពលភាពគម្រោងទី៣ ខាងលើ៕