រដ្ឋបាលខេត្តកំពត ទទួលអំណោយពីក្រុមហ៊ុនស៊ីម៉ងត៍ ខេស៊ីមេន ដើម្បីយុទ្ធនាការបង្ការ និងទប់ស្កាត់ ជំងឺកូវីដ១៩ នៅក្នុងខេត្ត

ខេត្តកំពត៖ នៅព្រឹកថ្ងៃចន្ទ ៦រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៣ ខែមេសា ឆ្នាំ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានអញ្ជើញទទួលអំណោយ ជាសម្ភារៈពីក្រុមហ៊ុនស៊ីម៉ងត៍ ខេស៊ីមេន ផ្ដល់ជូនរដ្ឋបាលខេត្តកំពត ដើម្បីប្រើប្រាស់ក្នុងយុទ្ធនាការប្រយុទ្ធប្រឆាំងជំងឺកូវីដ១៩ ។

អំណោយជាសម្ភារៈដែលក្រុមហ៊ុនស៊ីម៉ងត៍ ខេស៊ីមេន ផ្ដល់ជូនរដ្ឋបាលខេត្តកំពត រួមមាន៖
១.ធុងបាញ់ថ្នាំសំលាប់មេរោគ១០ធុង
២.ម៉ាស់ ចំនួន២០០ប្រអប់ ស្មើនឹង១០០០ម៉ាស់
៣.ត្រីកំប៉ុង ចំនួន១០កេះ
៤.មី ចំនួន៥០កេះ
៥.សាប៊ូលាងដៃ ចំនួន១១៤លីត្រ
៦.ទឹកស៊ីអ៊ីវ ចំនួន២០កេះ
៧.អង្ករ ចំនួន១តោន
៨.អាកុល ចំនួន៥០០លីត្រ

នាឱកាសនោះឯកឧត្តមអភិបាលខេត្តកំពត លោកបានថ្លែងនូវអំណរគុណ និងកោតសរសើរ ដល់ក្រុមហ៊ុនស៊ីម៉ងត៍ ខេស៊ីមេន ដែលបានផ្តល់អំណោយ ជាសម្ភារ:ជូនដល់រដ្ឋបាលខេត្តកំពត សម្រាប់ចូលរួមយុទ្ធនាការបង្ការ និងទប់ស្កាត់ ជំងឺកូវីដ១៩ នៅក្នុងខេត្តកំពត ៕