ពិធីសម្ដែងសិល្បៈសប្បុរសធម៌ ដើម្បីស្វែងរកមូលនិធិជួយដល់ប្រជាជនទីក្រុងវ៉ូហាន ខេត្តហឺប៊ី នៃសាធារណរដ្ឋប្រជាមានិតចិន

ខេត្តសៀមរាប៖ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប និងលោកជំទាវ នឹងអញ្ជើញចូលរួមពិធីបើកសម្តែងសិល្បៈនេះនៅវេលាម៉ោង០៤:០០នាទីល្ងាច នាថ្ងៃទី២៧ ខែកុម្ភៈឆ្នាំ២០២០នេះ នៅសាលមហោស្រពអាណាចក្រអង្គរខេត្តសៀមរាប ហើយកម្មវិធីសម្ដែងជាក់ស្ដែងនៅវេលាម៉ោង០៧:៣០នាទីយប់ នាថ្ងៃទីខែឆ្នាំដដែល។

ដូចនេះបងប្អូនប្រជាពលរដ្ឋក្នុងខេត្តសៀមរាប ដែលមានបំណងចូលរួមបរិច្ចាគថវិកា សម្រាប់មូលនិធិនេះអាចចូលរួមទស្សនាតាមពេលវេលាកាលបរិច្ឆេទ និងទីកន្លែងដូចបានជម្រាបជូនខាងលើ។

សូមរួមគ្នាក្នុងស្មារតីមនុស្សធម៌ និងស្មារតីនៃមិត្តភាពរវាងប្រជាជននិងប្រទេសកម្ពុជា ចិន។