ខេត្តក្រចេះ៖ នៅរសៀលថ្ងៃចន្ទ ទី០៦ ខែមករា ឆ្នាំ២០២០ រដ្ឋបាលខេត្តក្រចេះ បានបើកកិច្ចប្រជុំក្រុមការងារថ្នាក់ខេត្តពិនិត្យពិភាក្សា និងសម្រេចលើសំណើរបស់រដ្ឋបាលក្រុងស្រុកក្នុងដំណើរការសមាហរណកម្មបុគ្គលិកទៅក្នុងរចនាសម្ព័ន្ធថ្មីនៃរដ្ឋបាលក្រុងស្រុក និងផ្សព្វផ្សាយសេចក្ដីណែនាំលេខ០៥៥ស.ណ.ន របស់ក្រសួងមហាផ្ទៃ ស្ដីពីការធានានិរន្តរភាពការងាររដ្ឋបាល និងការផ្ដល់សេវាក្នុងដំណើរការរៀបចំរចនាសម្ព័ន្ធថ្មីនៃរដ្ឋបាលក្រុង ស្រុក ក្រោមអធិបតីភាព ឯកឧត្តម វ៉ា ថន អភិបាលខេត្តក្រចេះ ។
ឯកឧត្តម វ៉ា ថន អភិបាលខេត្ត បានចាត់ទុកកិច្ចប្រជុំនាពេលនេះ គឺជាការងារចាំបាច់ក្នុងការអនុវត្តនូវកំណែទម្រង់ថ្មី ស្របទៅនឹងគោលនយោបាយ កំណែទម្រង់តាមបែបវិមជ្ឈការ និងវិសហមជ្ឈការរបស់រាជរដ្ឋាភិបាលកម្ពុជា គឺក្នុងន័យឱ្យរដ្ឋបាលថ្នាក់ក្រោមជាតិ កាន់តែមានស្វ័យភាព ដើម្បីបម្រើសេចក្ដីត្រូវការរបស់ប្រជាពលរដ្ឋបានឆាប់រហ័ស និងមានប្រសិទ្ធភាពខ្ពស់។
ឯកឧត្តម អភិបាលខេត្ត ក៏បានលើកបញ្ជាក់ទៀតថា ដោយផ្អែកលើនយោបាយកំណែទម្រង់នេះ ដូច្នេះសូមឲ្យក្រុមការងារទាំងអស់ ត្រូវបន្តយកចិត្តទុកដាក់ធ្វើការងារនេះឱ្យបានរួសរាន់ដើម្បីរៀបចំបញ្ជូនទៅ គ.ជ.អ.ប ពិនិត្យសម្រេច បានទាន់ពេលវេលាតាមសេចក្ដីណែនាំ និងតាមការកំណត់របស់ថ្នាក់ជាតិដែលកំពុងពន្លឿនលើការងារសមាហរណកម្ម បុគ្គលិកនៃរដ្ឋបាលថ្នាក់ក្រោមជាតិដែលនឹងដំណើរការអនុវត្ត នូវរចនាសម្ព័ន្ធថ្មី ក្នុងខែមករាឆ្នាំ២០២០ ខាងមុខនេះ។
Tuesday, January 7, 2020
Home
ព័ត៌មានជាតិ
រដ្ឋបាលខេត្តក្រចេះ បើកកិច្ចប្រជុំក្រុមការងារថ្នាក់ខេត្តពិនិត្យពិភាក្សានិងសម្រេចលើសំណើរបស់រដ្ឋបាលក្រុង ស្រុក ក្នុងដំណើរការសមាហរណកម្មបុគ្គលិក ទៅក្នុងរចនាសម្ព័ន្ធថ្មីនៃរដ្ឋបាលក្រុងស្រុក
រដ្ឋបាលខេត្តក្រចេះ បើកកិច្ចប្រជុំក្រុមការងារថ្នាក់ខេត្តពិនិត្យពិភាក្សានិងសម្រេចលើសំណើរបស់រដ្ឋបាលក្រុង ស្រុក ក្នុងដំណើរការសមាហរណកម្មបុគ្គលិក ទៅក្នុងរចនាសម្ព័ន្ធថ្មីនៃរដ្ឋបាលក្រុងស្រុក
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment