ខេត្តស្វាយរៀង៖ នារសៀលថ្ងៃអង្គារ ១២កើត ខែភទ្របទឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែកញ្ញា ឆ្នាំ២០១៩នេះ ឯកឧត្តម សុខ រស់ អភិបាលរងខេត្តស្វាយរៀង តំណាង ឯកឧត្តម ម៉ែន វិបុល អភិបាលខេត្ត និងជាប្រធានគណៈបញ្ជាការឯកភាពខេត្ត បានអញ្ជើញជាអធិបតីក្នុងពិធីបើកវគ្គហ្វឹកហ្វឺនយុទ្ធវិធីថ្នាក់ ខ,គ អប់រំចិត្តសាស្ត្រ ដល់នាយទាហាន នាយទាហានរង ពលទាហាន តំបន់ប្រតិបត្តិការសឹករងស្វាយរៀង ស្ថិតនៅទីបញ្ជាការតំបន់ប្រតិបត្តិការសឹករងខេត្តស្វាយរៀង ដែលមានសិក្ខាកាមចូលរួមចំនួន ១២០នាក់។
ឯកឧត្តម សុខ រស់ មានប្រសាសន៍ថា ក្នុងនាមឯកឧត្តមប្រធានគណៈបញ្ជាការឯកភាពខេត្តស្វាយរៀង សូមធ្វើការកោតសរសើរ និងវាយតម្លៃខ្ពស់ ចំពោះការខិតខំអនុវត្តទៅតាមតួនាទី និងភារកិច្ចយ៉ាងសកម្មប្រកប ដោយស្មារតីទទួលខុសត្រូវខ្ពស់ និងលើកទឹកចិត្តឱ្យបន្តការខិតខំប្រឹងប្រែងបន្ថែមទៀត ដើម្បីឈានទៅសម្រេចភារកិច្ចកាន់តែល្អប្រសើរជូនជាតិ មាតុភូមិ និងប្រជាជននៃយើង។ ជាពិសេសការបើកវគ្គហ្វឹកហ្វឺនយុទ្ធវិធីថ្នាក់ ខ,គ អប់រំចិត្តសាស្ត្រនាពេលនេះ សូមឱ្យនាយទាហាន នាយទាហានរង ពលទាហាន ទាំងអស់ត្រូវយកចិត្តទុកដាក់ពង្រឹងគុណភាពហ្វឹកហ្វឺនជំនាញនេះ ដែលជាការងារស្នូលត្រូវធ្វើជាប្រចាំ ដើម្បីលើកកម្ពស់សមត្ថភាព គុណភាពជំនាញ សំដៅលើកកម្ពស់ការកសាងធន់ធានមនុស្ស ក្នុងជួរកងយោធពលខេមរភូមិន្ទ ឱ្យមានសមត្ថភាពគ្រប់គ្រាន់ ក្នុងការបំពេញភារកិច្ច ទាំងក្នុងដំណាក់កាលបច្ចុប្បន្ន ក៏ដូចជាទៅអនាគត៕
Tuesday, September 10, 2019
![](https://1.bp.blogspot.com/-7Kd9qaiRHuA/WaEtZyc70TI/AAAAAAAADsA/7WUYBVoY-UwwjdEP3kDFPvH9htN0dDKgQCLcBGAs/s1600/demo-image.jpg)
Home
ព័ត៌មានជាតិ
ពិធីបើកវគ្គហ្វឹកហ្វឺនយុទ្ធវិធីថ្នាក់ ខ,គ អប់រំចិត្តសាស្ត្រ ដល់នាយទាហាន នាយទាហានរង ពលទាហាន តំបន់ប្រតិបត្តិការសឹករងស្វាយរៀង
ពិធីបើកវគ្គហ្វឹកហ្វឺនយុទ្ធវិធីថ្នាក់ ខ,គ អប់រំចិត្តសាស្ត្រ ដល់នាយទាហាន នាយទាហានរង ពលទាហាន តំបន់ប្រតិបត្តិការសឹករងស្វាយរៀង
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment