សម្តេចក្រឡាហោម​ ស​ ខេង​ ចុះមូលដ្ឋានដើម្បីត្រួតពិនិត្យ​ និងគាំទ្រការអនុវត្តកម្មវិធីនយោបាយ​ និងយុទ្ធសាស្ត្រចតុកោណដំណាកាលទី៤​ របស់រាជរដ្ឋាភិបាលកម្ពុជា​ នៅ​ខេត្តព្រៃវែង

ខេត្តព្រៃវែង៖ នៅព្រឹកថ្ងៃទី០២ ខែកញ្ញា ឆ្នាំ២០១៩នេះ ឯកឧត្តម ជា សុមេធី អភិបាលខេត្ត​ព្រៃវែង និងជាអនុប្រធាន​អចិន្ត្រៃ​យ៍ក្រុមការងារថ្នាក់ជាតិ ចុះមូលដ្ឋាន​ ខេត្តព្រៃវែង ព្រមទាំង ឯកឧត្តម​ ស្បោង​ សារ៉ាត​ ប្រធាន​ក្រុមប្រឹក្សា​ខេត្តអភិបាលរងខេត្ត លោក​ លោកស្រីប្រធានមន្ទីរអង្គភាពជុំវិញខេត្ត​ កងកម្លាំងទាំងបី​ ព្រមទាំង​​មន្ត្រីរាជការ ក្នុងខេត្តព្រៃវែងទាំងអស់ សូមសំដែងនូវ​គារវៈ​កិច្ច​គោរព​យ៉ាងជ្រាលជ្រៅ​បំផុត​ ចំពោះវត្តមាន​ដ៏ថ្លៃថ្លា​របស់សម្តេចក្រឡាហោម​ ស​ ខេង​ ឧបនាយរដ្ឋមន្ត្រី​ រដ្ឋមន្ត្រីក្រសួងមហាផ្ទៃ​ និងជាប្រធានក្រុមការងារថ្នាក់ជាតិចុះមូលដ្ឋានដើម្បីត្រួតពិនិត្យ​ និងគាំទ្រការអនុវត្តកម្មវិធីនយោបាយ​ និងយុទ្ធសាស្ត្រចតុកោណដំណាកាលទី៤​ របស់រាជរដ្ឋាភិបាលកម្ពុជា​ នៅ​ខេត្តព្រៃវែង ដែលបាន​ឆ្លៀតឱកាសដ៏មមាញឹក និងមានតម្លៃអញ្ជើញជា​ អធិបតីដ៏ខ្ពង់ខ្ពស់​ ក្នុងកិច្ចប្រជុំបូកសរុបលទ្ធផលការរៀបចំវេទិការសាធារណៈ​របស់ក្រុមការងារថ្នាក់ជាតិចុះមូលដ្ឋាន ខេត្តព្រៃវែង​ ។  បន្ទាប់មកសម្តេចក្រឡាហោម ស ខេង បានអញ្ជើញពិនិត្យមើលការសាងសង់អគាររដ្ឋបាលសាលាខេត្តព្រៃវែងថ្មី។