លោក ម៉ាង ស៊ីណេត អភិបាលស្តីទីខេត្តព្រះសីហនុ មានប្រសាសន៍ថ្លែងអំណរគុណចំពោះសប្បុរសជន ដែលបាននាំយកអំណោយជូនដល់សាលាខេត្តព្រះសីហនុ ដើម្បីចែកជូនប្រជាពលរដ្ឋរងគ្រោះ និងងាយរងគ្រោះ ស្រ្តីម៉េម៉ាយ ប្រជាពលរដ្ឋទីទ័លក្រ និងប្រជាពលរដ្ឋរងគ្រោះដោយគ្រោះធម្មជាតិនានា ។លោកក៏បានបញ្ជាក់ថា អំណោយទាំងអស់នេះរដ្ឋបាលខេត្តព្រះសីហនុ និងយកទៅចែកជូនប្រជាពលរដ្ឋរងគ្រោះ និងប្រជាពលរដ្ឋទីទ័លក្រអោយចំគោលដៅ នេះជាការចូលរួមសហការរវាងវិស័យឯកជន ជាមួយរដ្ឋបាលខេត្ត ហើយរដ្ឋបាលខេត្តនិងរង់ចាំទទួលអំណោយ ពីសប្បុរសជនគ្រប់ទិសទីដែលមានបំណងចូលរួមជាមួយរដ្ឋបាលខេត្ត ដើម្បីចែកជូនជនរងគ្រោះបានទាន់ពេលវេលា ។
អំណោយដែលបានយកមកឧបត្ថម្ភមានដូចជា អង្ករស្មើ៦០០គីឡូក្រាម ទឹកត្រី៤០យួរ ទឹកស៊ីអ៊ីវ៤០យួរ ត្រីខ៤០យួរ ៕
No comments:
Post a Comment