អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ធ្វើបទសម្ភាសន៍ជាមួយអ្នកសារព័ត៌មាន និងបង្ហាញមុខសញ្ញាជាក្រុមក្មេងទំនើងចំនួន០៨នាក់ ដែលមានឈ្មោះក្រុមសប្បាយបោះគេ (SBK) ចំនួន០៤ករណី បញ្ជូនទៅតុលាការ ដើម្បីចាត់ការតាមនីតិវិធី

ដោយទទួលបានបញ្ជាដឹកនាំពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ លី ប៊ុនអេង ស្នងការរង ទទួលដឹកនាំការិយាល័យ នៅថ្ងៃទី ២០ ខែឧសភា ឆ្នាំ២០២៤ វេលាម៉ោង កម្លាំងការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនជនសង្ស័យ ចំនួន០៨នាក់ ជាក្រុមក្មេងទំនើង ដែលមានឈ្មោះថា សប្បាយបោះគេ (SBK)  នៅចំណុចហាងណាតកាហ្វេ សង្កាត់កាកាប១ ខ័ណ្ឌពោធីសែនជ័យ ពាក់ព័ន្ធប្រព្រឹត្តបទល្មើសចំនួន ០៤ ករណី។

លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល បានឱ្យដឹងពាក់ព័ន្ធការបង្ក្រាបករណីនេះ៖

ករណីទី១៖ ព្រួតគ្នាដេញ វា ..;យ និងយកកាំ ..;បិត កា ..;ប់ បណ្តាលរងរ បួ ..;ស ជាទម្ងន់​ ​ប្រព្រឹត្តនៅចំណុចមុខហាងកាហ្វេរ៉ូលលើ ផ្លូវលេខ៥៦៦ សង្កាត់បឹងកក់១ ខណ្ឌទួលគោក កាលពីថ្ងៃទី២០ ខែមេសា ឆ្នាំ២០២៤។

ករណីទី២៖ ​ព្រួតគ្នាដេញ វា ..;យ និងយកកាំបិត កា ..;ប់បណ្តាលឲ្យខូចខាតម៉ូតូចំនួន០២គ្រឿង ប្រព្រឹត្តនៅចំណុចតូបកាហ្វេដូងយីហោណាណាមុខផ្ទះលេខ៧ ផ្លូវលេខ៥៣៦ សង្កាត់បឹងកក់១ ខណ្ឌទួលគោក កាលពីថ្ងៃទី២០ ខែមេសា ឆ្នាំ២០២៤។

ករណីទី៣៖ ព្រួតគ្នាដេញ វា ..;យ និងយកដាវកែច្នៃ កា ..;ប់ ម៉ូតូបណ្តាលឲ្យខូចខាតចំនួន០១គ្រឿង​ ប្រព្រឹត្តចំណុចដីឡូតិ៍មួយកន្លែង ភូមិចំការឪឡឹក សង្កាត់កាកាប១ ខណ្ឌពោធិសែនជ័យ កាលពីថ្ងៃទី១០ ខែឧសភា ឆ្នាំ២០២៤។ 

ករណីទី៤៖ ព្រួតគ្នាដេញ វា ..;យ និងយកកាំបិតប៉័ងតោ កា ..;ប់ ម៉ូតូបណ្តាលឲ្យរងការខូចខាត និងលួចយកមួកសុវត្ថិភាព និងទូរសព្ទ័ដៃ) ប្រព្រឹត្តនៅចំណុចតូបកាហ្វេដូងយីហោណាណាមុខផ្ទះលេខ៧ ផ្លូវលេខ៥៣៦ សង្កាត់បឹងកក់១ ខណ្ឌទួលគោក  កាលពីថ្ងៃទី០៩ ខែមីនា ឆ្នាំ២០២៤។

 

បច្ចុប្បន្នជនសង្ស័យខាងលើ កម្លាំងការិយាល័យ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕