វេទិកាសាធារណៈជាមួយប្រជាពលរដ្ឋ នៅភូមិអណ្តូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី

មណ្ឌលគិរី៖ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្នុងការប្រមូលនូវបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន នាព្រឹកថ្ងៃទី១៩ ខែឧសភា ឆ្នាំ២០២២ ក្រុមការងារថ្នាក់ជាតិ និងថ្នាក់ខេត្ត បានរៀបចំវេទិកាសាធារណៈនៅភូមិអណ្តូងក្រឡឹង ក្រោមវត្តមានឯកឧត្តម ជា ជុន អនុរដ្ឋលេខាធិការក្រសួងសាធារណៈការ និងដឹកជញ្ចូន និងជាប្រធានក្រុមការងារថ្នាក់ជាតិ ចុះមូលដ្ឋានស្រុកអូររាំង លោក នួន សារ៉ន អភិបាលរងខេត្ត និងឯកឧត្តម ឌួង ហេង អនុប្រធានក្រុមការងាររាជរដ្ឋាភិបាល ចុះជួយខេត្តមណ្ឌលគិរី និងជាអនុប្រធានក្រុមការងារចុះជួយស្រុកអូររាំង ព្រមទាំងមន្ទីរអង្គភាពជុំវិញខេត្ត កងកម្លាំងប្រដាប់អាវុធទាំងបី អាជ្ញាធរស្រុក/ភូមិ/ឃុំ និងប្រជាពលរដ្ឋជាច្រើននាក់ ដែលប្រព្រឹត្តទៅនៅទីស្នាក់ការគណៈកម្មាធិការសហគមន៍ជនជាតិដើមភាគតិចព្នង នៃភូមិអណ្តូងក្រឡឹង ឃុំសែនមនោរម្យ ស្រុកអូររាំង។