អគ្គិភ័យឆាបឆេះអគារកាសុីណូមួយកន្លែង នៅភូមិបាវិតកណ្តាល សង្កាត់បាវិត ក្រុងបាវិត

ខេត្តស្វាយរៀង÷ នៅយប់ថ្ងៃទី២ ខែមិនា ឆ្នាំ២០២៣នេះ ភ្លើងឆេះអគារកាស៊ីណូ ប៉ារីស បូព៌ា នៅក្រុងបាវិតគឺគ្រប់គ្រងបានស្ទេីរ១០០នេះ បើតាមយោងអាខោនហ្វេសបុកផ្ទាល់របស់លោកម៉ែនវិបុល អភិបាលខេត្តស្វាយរៀង

សូមបញ្ជាក់ថា ក្រោយទទួលបានដំណឹងនៃអគ្គិភ័យដែលឆាបឆេះអគារកាសុីណូមួយកន្លែងនៅភូមិបាវិតកណ្តាល សង្កាត់បាវិត ក្រុងបាវិត នៅយប់ថ្ងៃទី២ ខែមីនា ឆ្នាំ២០២៣នេះ លោក ម៉ែន វិបុល អភិបាលខេត្តស្វាយរៀង និងជាប្រធានគណ:បញ្ជាការឯកភាពរដ្ឋបាលខេត្តបានអញ្ជេីញចុះពិនិត្យដល់ទីតាំងផ្ទាល់ នឹងបានដឹកនាំបញ្ជាទៅកងកម្លាំងពាក់ព័ន្ធទាំងអស់ដេីម្បីអន្តរាគមន៍ពន្លត់ហេតុការណ៍ដែលបានកេីតឡេីងនេះ និងមានការចូលរួមពីលោកអភិបាលរងខេត្ត អាជ្ញាធក្រុង កម្លាំងជំនាញគ្រប់ភាគីពាក់ព័ន្ធទាំងអស់ ព្រមទាំងភាគីវៀតណាមខេត្តជាប់ព្រំដែន។

ចំពោះការឆេះពីអគារកាស៊ីណូនេះបង្កឡើងវេលាម៉ោប្រមាណ៦ល្ងាច ថ្ងៃទី២ ខែមិនា ឆ្នាំ២០២៣ ស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង មិនទាន់ដឹងពីមូលហេតុដែលបង្កអោយមានការឆាបឆេះនៅឡើយ ព្រមទាំងទំហំនៃការខូចខាតទ្រព្យសម្បត្តិនោះទេ៕