រថយន្ត មួយគ្រឿង បើកបរក្នុងល្បឿនលឿនបត់ឆ្លងផ្លូវមិនប្រយ័ត្ន ជ្រុលទៅបុកសួនច្បារពុះចែកទ្រូងផ្លូវនិងបង្គោលភ្លើងរ

ភ្នំពេញ:  កាលពី ថ្ងៃទី២៩ ខែមករាឆ្នាំ ២០២៣ នៅតាមបណ្ដោយផ្លូវ R6 កែងនឹងផ្លូវ R 8 ក្នុងបរិវេណបឹងកក់ ស្ថិតក្នុងសង្កាត់ស្រះចកខណ្ឌដូនពេញ រាជធានីភ្នំពេញ។

មុនកើតហេតុគេឃើញនារីម្នាក់បើករថយន្តស៊េរីទំនើបម៉ាកមែរសឺដេស C 300 ពណ៌ប្រផេះ ពាក់ស្លាកលេខភ្នំពេញ2BW-2188ធ្វើដំណើរតាមបណ្ដោយផ្លូវ R8 ក្នុងទិសដៅពីលិចទៅកើត លុះមកដល់ចំណុចកើតហេតុខាងលើបានបត់ឆ្វេងដៃឆ្លងមកផ្លូវR6 ក៏ជ្រុលទៅបុកសួនច្បារពុះចែកទ្រូផ្លូវនិងបង្គោលភ្លើងពេញទំហឹងបណ្ដាលឱ្យរថយន្តរងការខូចខាតផ្នែកខាងមុខយ៉ាងដំណំទៅមុខលែងរួច។

ក្រោយកើតហេតុក៏មានតំណាងភាគីខាងរថយន្តបានចុះមកដល់ហើយធ្វើការសម្របសម្រួលគ្នាជាមួយខាងភាគីក្រុមហ៊ុន ដើម្បីបញ្ចប់រឿង រួចបានហៅឡានមកអូសយកទៅជួសជុលដោយខ្លួនឯង៕