ភ្នំពេញ៖ បុរសម្នាក់ពុំដឹងថាមានវិបត្តិអ្វីនោះទេ បានរត់ចូលពេលរថភ្លើងកំពុងបើក ហើយត្រូវរថភ្លើងបុ.កដួលខ្ទា.តបោ.កក្បាល បណ្ដាលឲ្យបែករងរបួសធ្ងន់ធ្ងរ និងត្រូវបាននគរបាលហៅរថយន្តពេទ្យដឹកយកទៅសង្គ្រោះបន្ទាន់ភ្លាមៗផងដែរ។
ហេតុការណ៍ខាងលើនោះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១០ព្រឹក ថ្ងៃទី១៥ខែធ្នូ ឆ្នាំ២០២២ នៅក្នុងភូមិកាកាប២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានឲ្យដឹងថា បុរសខាងលើពុំត្រូវបានស្គាល់អត្តសញ្ញាណនោះទេ ប៉ុន្តែសង្ស័យថាគាត់ជាអ្នករើសអេតចាយ ព្រោះកន្លងមកគាត់តែងតែដើររើសអេតចាយនៅតំបន់នោះជារៀងរាល់ថ្ងៃ ហើយនៅព្រឹកថ្ងៃកើតហេតុខាងលើ បុរសរងគ្រោះរូបនោះបានអង្គុយហូបអាហារនៅជិតផ្លូវរថភ្លើង ។ លុះមួយសន្ទុះក្រោយមក មានរថភ្លើង១ខ្សែបើកធ្វើដំណើរចេញពីរាជធានីភ្នំពេញទៅខេត្តបាត់ដំបងទៅដល់ ស្រាប់តែបុរសរងគ្រោះរូបនោះស្ទុះរត់ចូលឲ្យរថភ្លើងបុ.ក បណ្ដាលឲ្យដួលខ្ទា.តបោ.កក្បាលបែកហូរឈា.មរបួសធ្ងន់ធ្ងរ។
តាមប្រភពដដែលបានប្រាប់ឲ្យដឹងបន្តទៀតថា ខណៈនោះរថភ្លើងបានបន្តដំណើរទៅមុខបាត់ ។ នេះគឺជាសំណាងហើយ ដែលបុរសរងគ្រោះរូបនេះខ្ទា.តចេញពីកង់រថភ្លើង ទើបមិនត្រូវបានរថភ្លើងកិ.នស្លា.ប់ ឬរបួសដាច់ដៃ ដាច់ជើង ដាច់ខ្លួន ហើយគ្រាន់តែរបួសធ្ងន់ ។
ក្រោយពេលកើតហេតុ នគរបាលប៉ុស្តិ៍កាកាបទី២បានចុះទៅពិនិត្យមើលជាក់ស្ដែងរួចបានហៅរថយន្តពេទ្យដឹកយកបុរសរងគ្រោះរូបនោះទៅសង្គ្រោះបន្ទាន់ភ្លាមៗតែម្ដង៕
No comments:
Post a Comment