ឧត្តមសេនីយ៍ឯក សេង សុង ប្រជុំក្រុមការងារត្រួតពិនិត្យសម្ភារបច្ចេកទេសជំនួយឥតសំណងរបស់ក្រសួងការពារជាតិចិន

ភ្នំពេញ៖ ព្រឹកថ្ងៃទី១៣ ខែកញ្ញា ឆ្នាំ២០២២ នៅសាលប្រជុំ បញ្ជាការដ្ឋាន កងរាជអាវុធហត្ថលើផ្ទៃប្រទេស ដោយអនុវត្តតាមសេចក្តីសម្រេចរបស់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ប្រគល់ភារកិច្ចជូនលោកឧត្តមសេនីយ៍ឯក សេង សុង មេបញ្ជាការរង កងរាជអាវុធហត្ថលើផ្ទៃប្រទេស ជាប្រធានក្រុមការងារត្រួតពិនិត្យសម្ភារបច្ចេកទេស បានប្រជុំក្រុមការងារ ក្នុងការត្រួតពិនិត្យ ផ្ទៀងផ្ទាត់ចំនួនសម្ភារដែលជាជំនួយយោធាឥតសំណងរបស់ក្រសួងការពារជាតិនៃសាធារណរដ្ឋប្រជាមានិតចិន ជូនក្រសួងការពារជាតិនៃព្រះរាជាណាចក្រកម្ពុជា នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ។