ឯកឧត្តម អ៉ីវ លាង អញ្ជើញចូលរួមក្នុងពិធីប្រារព្ធទិវាជាតិនៃការចងចាំ២០ឧសភា នៅក្នុងបរិវេណអនុវិទ្យាល័យធាយ ក្នុងឃុំធាយ ស្រុកបាភ្នំ ខេត្តព្រៃវែង

នាព្រឹកថ្ងៃព្រហស្បតិ៍ ទី១៩ ខែឧសភា ឆ្នាំ២០២២ ឯកឧត្តម អ៉ីវ លាង ប្រធានក្រុមការងាររាជរដ្ឋាភិបាលចុះជួយឃុំបឹងព្រះ និងជាអគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញចូលរួមក្នុងពិធីប្រារព្ធ «ទិវាជាតិនៃការចងចាំ២០ឧសភា» ក្រោមអធិបតីភាព ឯកឧត្តម ព្រុំ សុខា ប្រធានក្រុមការងាររាជរដ្ឋាភិបាលចុះជួយស្រុកបាភ្នំ និងជារដ្ឋមន្ត្រីក្រសួងមុខងារសាធារណៈ ស្ថិតនៅក្នុងបរិវេណអនុវិទ្យាល័យធាយ ក្នុងឃុំធាយ ស្រុកបាភ្នំ ខេត្តព្រៃវែង។

ទិវាជាតិដែលប្រារព្ធធ្វើក្នុងឱកាសនេះ មានការចូលរួមពី ឯកឧត្តម លោកជំទាវ អស់លោក លោកស្រី ជាអនុប្រធានក្រុមការងារចុះជួយស្រុក ប្រធានក្រុមការងារចុះជួយឃុំ សមាជិកក្រុមការងារចុះជួយស្រុក-ឃុំ អាជ្ញាធរមូលដ្ឋាន ប្រជាពលរដ្ឋ លោកគ្រូ អ្នកគ្រូ និងសិស្សានុសិស្សជាច្រើនរូបទៀត៕