រដ្ឋបាលខេត្តមណ្ឌលគិរី បើកកិច្ចប្រជុំស្តីពីការចាត់តាំងក្រុមការងារដើម្បីដឹកនាំត្រួតពិនិត្យទប់ស្កាត់ការចេញ ចូលពលករ កម្មករ និងប្រជាពលរដ្ឋដែលមានហានិភ័យឆ្លងរាលដាលជំងឺកូវីដ-១៩ និងសម្របសម្រួលការចាក់វ៉ាក់សាំងកូវីដ-១៩ លើកទី០២ នៅតាមបណ្តាក្រុង ស្រុក

នៅរសៀលថ្ងៃទី២០ ខែមេសា ឆ្នាំ២០២១ រដ្ឋបាលខេត្តមណ្ឌលគិរីបានរៀបចំកិច្ចប្រជុំមួយស្តីពីការចាត់តាំងក្រុមការងារដើម្បីដឹកនាំត្រួតពិនិត្យទប់ស្កាត់ការចេញ ចូលពលករ កម្មករ និងប្រជាពលរដ្ឋដែលមានហានិភ័យឆ្លងរាលដាលជំងឺកូវីដ-១៩ និងសម្របសម្រួលការចាក់វ៉ាក់សាំងកូវីដ-១៩ លើកទី០២ នៅតាមបណ្តាក្រុង ស្រុក ក្នុងខេត្តមណ្ឌលគិរី ក្រោមអធិបតីភាព ឯកឧត្តម ស្វាយ សំអ៊ាង អភិបាល នៃគណៈអភិបាលខេត្ត ដោយមានការចូលរួមពី លោក លោកស្រី អភិបាលរងខេត្ត និងលោកនាយករដ្ឋបាលខេត្ត ដែលកិច្ចប្រជុំនេះប្រព្រឹត្តទៅនៅសាលប្រជុំអគារ(A) នៃសាលាខេត្តមណ្ឌលគិរី៕