(ភ្នំពេញ)÷កម្លាំងគណៈបញ្ជាការឯកភាពខណ្ឌទួលគោកសហការជាមួយលោកចៅសង្កាត់ផ្សារដើមគរធ្វើការចុះបង្ក្រាបទីតាំងល្បែងស៊ីសងភ្នាល់បាល់និងឆ្នោតវៀតណាមខុសច្បាប់ពីកន្លែងកាលវេលាម៉ោង ៤.៣០នាទីល្ងាចថ្ងៃទី ០៤ ខែមករា ឆ្នាំ ២០២១ ទីតាំង
ទី១ ស្ថិតនៅតាមបណ្ដោយផ្លូវលេខ ២២៣ផ្ទះគ្មានលេខ សង្កាត់ផ្សារដើមគរ ខណ្ឌទួលគោក រាជធានីភ្នំពេញ(ទីតាំងភ្នាល់បាល់)។
ទីតាំងទី ២តាមបណ្ដោយផ្លូវលេខ ២២៣Z ផ្ទះ២៨ សង្កាត់ផ្សារដើមគរ ខណ្ឌទួលគោក រាជធានីភ្នំពេញ(ទីតាំងគាត់ឆ្នោតវៀតណាម)។
សមត្ថកិច្ចបានឲ្យដឹងថាក្នុងប្រតិបត្តិការបង្ក្រាបទីតាំងល្បែងស៊ីសងខុសច្បាប់បើកលួចលាក់ខាងលើនេះមានការចង្អុលបង្ហាញពីលោកឯក ឃុនឌឿន អភិបាលនៃគណៈអភិបាលខណ្ឌទួលគោកបញ្ជាបញ្ជាមន្ត្រីក្រោមឱវាទរួមទាំងលោកចៅសង្កាត់ដឹកនាំកម្លាំងចុះប្រតិបត្តិការបង្ក្រាបទីតាំងល្បែងស៊ីសងខុសច្បាប់ដែលលាក់បំពួននៅក្នុងមូលដ្ឋានរបស់ខ្លួនដោយគោរពតាម
បទបញ្ជារបស់អភិបាលនៃគណៈអភិបាលរាជធានីភ្នំពេញឲ្យលុបបំបាត់រាល់ល្បែងស៊ីសងភ្នាល់ដាក់លុយគ្រប់ប្រភេទក្នុងមូលដ្ឋានដែលជាហេតុអោយមានអំពើចោរលួច ឆក់ ប្លន់ បង្កើតក្រុមបងតូចបងធំ រួមទាំងអ្នកញៀនល្បែងដែលប្រជាពលរដ្ឋរស់នៅក្បែរទីតាំងខាងលើមានការព្រួយបារម្ភចំពោះល្បែងទីតាំងខាងលើមួយនេះ។
ប្រជប្រជាពលរដ្ឋនៅជិតទីតាំងខាងលើបានសាទរនិងកោតសរសើរដល់លោកអភិបាលខណ្ឌទួលគោកដែលមានវិធានការចុះបង្ក្រាបទៅលើទីតាំងល្បែងស៊ីសងទាំងពីរទីតាំងខាងលើនេះដោយសារតែកូនចៅរបស់ពួកគាត់ចូលលេងយ៉ាងគគ្រឹកគគ្រេងចាញ់លុយអស់ជាច្រើនក្នុងមួយថ្ងៃៗរួមទាំងមហាជនមកពីគ្រប់ទិសទីនាំគ្នាមកចាក់បាល់ខាងលើនេះ។
ជាមួយគ្នានោះលោកអភិបាលខណ្ឌទួលគោកបានជម្រាបប្រជាពលរដ្ឋថា ឱ្យជឿជាក់លើអាជ្ញាធរចុះពិតជាផ្ដល់យុត្តិធម៍បងប្អូនដោយចាត់ការទីតាំងខាងលើឱ្យអស់ហើយសូមប្រជាពលរដ្ឋបន្តធ្វើជាភ្នែកជាច្រមុះអាជ្ញាធរបន្តទៀតដើម្បីមូលដ្ឋានយើងល្អគ្មានល្បែងស៊ីសង៕
No comments:
Post a Comment