ខេត្តកំពង់ស្ពឺ៖ នាព្រឹកថៃ្ងសៅរ៍ ទី០៦ ខែមិថុនា ឆ្នាំ២០២០ នៅស្នងការដ្ឋាននគរបាលខេត្តកំពង់ស្ពឺ ឯកឧត្ដម ហ៊ុន ម៉ានី អ្នកតំណាងរាស្រ្ត មណ្ឌលកំពង់ស្ពឺ និងជាប្រធានសហភាពសហព័ន្ធយុវជនកម្ពុជាបានចាត់តំណាង អញ្ជេីញប្រគល់សម្ភារៈ ជូនស្នងការដ្ឋាននគរបាលខេត្តកំពង់ស្ពឺ ។
ជាវត្ដមានក្នុងពិធីប្រគល់សម្ភារៈ-ទទួលសម្ភារៈតង់រោងនាឱកាសនេះ ឯកឧត្ដម សំ រិទ្ធី អ្នកតំណាងរាស្ត្រ ជាតំណាងដ៏ខ្ពង់ខ្ពស់ ឯកឧត្ដម ហ៊ុន ម៉ានី អ្នកតំណាងរាស្រ្ត មណ្ឌលកំពង់ស្ពឺ និងជាប្រធានសហភាពសហព័ន្ធយុវជនកម្ពុជា លោកឧត្ដមសេនីយ៍ទោ សម សាមួន ស្នងការ នគរបាលខេត្តកំពង់ស្ពឺ អញ្ជេីញក្នុងពិធីនោះ រួមមានលោក កែវ គុជសី នាយករដ្ឋបាល សាលាខេត្ដកំពង់ស្ពឺ លោកឧត្តមសេនីយ៍ ស្នងការរង នគរបាលខេត្តកំពង់ស្ពឺ ក្រុមការងារយុវជន លោកវរសេនីយ៍ និងមន្ត្រីនគរបាល ចំណុះស្នងការដ្ឋាននគរបាល ខេត្តកំពង់ស្ពឺ ជាច្រើនទៀត ។
សម្ភារៈដែលប្រគល់នាពេលនេះរួមមាន តង់រោង ចំនួន ១០០ ប្រភេទជារោងសម្រាប់អោយកងកម្លាំងនគរបាលជ្រកការពារកម្ដៅថៃ្ង ភ្លៀង និងប្រេីប្រាស់តាមតំរូវការចំបាច់ផ្សេងៗទៀត ។ អំណោយដែលប្រគល់ជូននាពេលនេះមិនមែនជាអំណោយលេីកទីមួយនោះទេ សម្រាប់ការផ្ដល់ជូនដល់ស្នងការដ្ឋាននគរបាលខេត្ដកំពង់ស្ពឺ តាងនាមអោយកងកម្លាំងនគរបាលខេត្តកំពង់ស្ពឺ លោកឧត្តមសេនីយ៍ទោ សម សាមួន ស្នងការនគរបាលខេត្តសូមគោរពថ្លែងអំណរគុណយ៉ាងជ្រាលជ្រៅ បំផុតចំពោះទឹកចិត្ត ឯកឧត្ដមអ្នកតំណាងរាស្រ្តដែលស្រលាញ់ចំពោះកងកម្លាំងនគរបាលប្រដាប់អាវុធ ពិសេសនគរបាល នៃស្នងការដ្ឋាននគរបាលខេត្ដកំពង់ស្ពឺ ៕
Saturday, June 6, 2020
Home
ព័ត៌មានជាតិ
អំណោយសម្ភារៈតង់រោងកៅស៊ូ របស់ឯកឧត្ដម ហ៊ុន ម៉ានី អ្នកតំណាងរាស្រ្ត មណ្ឌលកំពង់ស្ពឺ ត្រូវបានប្រគល់ជូនដល់ស្នងការដ្ឋាននគរបាលខេត្តកំពង់ស្ពឺ
អំណោយសម្ភារៈតង់រោងកៅស៊ូ របស់ឯកឧត្ដម ហ៊ុន ម៉ានី អ្នកតំណាងរាស្រ្ត មណ្ឌលកំពង់ស្ពឺ ត្រូវបានប្រគល់ជូនដល់ស្នងការដ្ឋាននគរបាលខេត្តកំពង់ស្ពឺ
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment