នៅថ្ងៃទី ១៣ ខែមីនា ឆ្នាំ២០២០ នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់អណ្តូងទឹកស្អាត ចំនួន ១៧អណ្តូងបន្ថែមទៀត គិតជាទឹកប្រាក់ចំនួន ៣២.៣០០ដុល្លារអាមេរិក (បីម៉ឺនពីរពាន់បីរយដុល្លារអាមេរិក) សម្រាប់ប្រជាពលរដ្ឋ ២៧៥គ្រួសារ (ស្មេីនឹងមនុស្ស ១.០៥៨នាក់) រស់នៅតំបន់រាំងស្ងួតខ្លាំង ក្នុងឃុំរុងរឿង ឃុំរមនីយ ឃុំរមទម និងឃុំរំដោះ នៃស្រុករវៀង ខេត្តព្រះវិហារ។
នេះជាការសម្រេចផ្តល់អណ្តូងទឹកស្អាត ក្នុងជំហានទី២ ឆ្នាំ២០២០ សម្រាប់សាខាកាកបាទក្រហមកម្ពុជា ខេត្តព្រះវិហារ ដែលជំហានទី១ ខេត្តព្រះវិហារ ទទួលបានអណ្តូងចំនួន ១៩អណ្តូង កាលពីថ្ងៃទី ៣០ ខែមករា ឆ្នាំ២០២០។
សូមបញ្ជាក់ថា នៅដេីមឆ្នាំ២០២០ គិតត្រឹមថ្ងៃទី ១៣ ខែមីនា ឆ្នាំ២០២០ នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់អណ្តូងទឹកស្អាត ចំនួន ១៣៥អណ្តូង គិតជាទឹកប្រាក់ចំនួន ២៨៥.២៦២ដុល្លារអាមេរិក (ពីរសែនប្រាំបីម៉ឺនប្រាំពាន់ពីររយហុកសិបពីរដុល្លារអាមេរិក) សម្រាប់ប្រជាពលរដ្ឋ ២.៩០៩គ្រួសារ (ស្មេីនឹងមនុស្ស ១១.៦៥៧នាក់) រស់នៅតំបន់ឆ្ងាយដាច់ស្រយាលក្នុងខេត្តចំនួន៦ ដែលប្រឈមនឹងការខ្វះខាតទឹកប្រេីប្រាស់ក្នុងរដូវប្រាំង។
ក្នុងចំណោមអណ្តូងទាំង ១៣៥អណ្តូងខាងលេីនេះ មានអណ្តូងចំនួន ១៣អណ្តូង សម្រាប់ខេត្តមណ្ឌលគិរី, ១៣អណ្តូង សម្រាប់ខេត្តស្ទឹងត្រែង, ៣៦អណ្តូង សម្រាប់ខេត្តព្រះវិហារ, ១៥អណ្តូង សម្រាប់ខេត្តកំពង់ស្ពឺ, ១៤អណ្តូង សម្រាប់ខេត្តរតនគិរី និង ៤៤អណ្តូង សម្រាប់ខេត្តប៉ៃលិន។
គួររំលឹកថា គិតចាប់តាំងពីឆ្នាំ ២០១០ ដល់ឆ្នាំ២០១៩ កាកបាទក្រហមកម្ពុជា បានដោះស្រាយបញ្ហាទឹកស្អាតជូនប្រជាពលរដ្ឋរាប់ម៉ឺនគ្រួសារនៅទូទាំងប្រទេស តាមរយៈការផ្តល់អណ្តូងទឹកស្អាតចំនួន ១.៦៩៥អណ្តូង ព្រមទាំង ស្រះទឹកសហគមន៍ និងស៊ីទែនទឹកជាច្រើនទៀត។ ដោយឡែក ក្នុងឆ្នាំ ២០១៩ កន្លងទៅ កាកបាទក្រហមកម្ពុជា បានផ្តល់អណ្តូងសរុបចំនួន ៧៥អណ្តូង សម្រាប់ប្រជាពលរដ្ឋ ២.៨៥៨គ្រួសារ ស្មើមនុស្ស ១០.៧៦៩នាក់៕
Saturday, March 14, 2020
Home
ព័ត៌មានជាតិ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្រេចផ្តល់អណ្តូងទឹកស្អាតចំនួន ១៧អណ្តូងថែមទៀត គិតជាទឹកប្រាក់ចំនួន ៣២.៣០០ដុល្លារអាមេរិក ជាជំហានទី២ សម្រាប់ប្រជាពលរដ្ឋ ២៧៥គ្រួសារ ដែលប្រឈមនឹងខ្វះទឹកប្រេីប្រាស់ រស់នៅស្រុករវៀង ខេត្តព្រះវិហារ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្រេចផ្តល់អណ្តូងទឹកស្អាតចំនួន ១៧អណ្តូងថែមទៀត គិតជាទឹកប្រាក់ចំនួន ៣២.៣០០ដុល្លារអាមេរិក ជាជំហានទី២ សម្រាប់ប្រជាពលរដ្ឋ ២៧៥គ្រួសារ ដែលប្រឈមនឹងខ្វះទឹកប្រេីប្រាស់ រស់នៅស្រុករវៀង ខេត្តព្រះវិហារ
Subscribe to:
Post Comments (Atom)
Author Details
លោកអ្នកអាចទំនាក់ទំនង អង្គភាពសារព័ត៌មានយើងខ្ញុំតាមរយះទូរសព្ទ័លេខ 011622489-0973332433
No comments:
Post a Comment