ស្នងការដ្ឋាននគរបាលខេត្ត​ស្វាយរៀង​ រៀបចំកិច្ចប្រជុំបូកសរុបលទ្ធផលអនុវត្តសេចក្តីណែនាំលេខ ០០៣ សណន ស្ដីពីការពង្រឹងបន្ថែមប្រសិទ្ធភាពការងារកិច្ចការប៉ុស្តិ៍នគរបាលរដ្ឋបាលខែមករា និងទិសដៅការងារខែកុម្ភៈ ឆ្នាំ២០២០

ខេត្ត​ស្វាយរៀង​៖​ នាព្រឹកថ្ងៃទី២១ ខែមករា ឆ្នាំ២០២០នេះ នៅស្នងការដ្ឋាននគរបាលខេត្តស្វាយរៀង បានរៀបចំកិច្ចប្រជុំបូកសរុបលទ្ធផលអនុវត្តសេចក្តីណែនាំលេខ ០០៣ សណន ស្ដីពីការពង្រឹងបន្ថែមប្រសិទ្ធភាពការងារកិច្ចការប៉ុស្តិ៍នគរបាលរដ្ឋបាលប្រចាំខែមករា និងទិសដៅការងារខែកុម្ភៈ ឆ្នាំ២០២០ ក្រោមអធិបតីភាព​លោកឧត្តមសេនីយ៍ត្រី ខៀវ សុខុម ស្នងការរងនគរបាលខេត្តស្វាយរៀង និងជាតំណាងដ៏ខ្ពង់ខ្ពស់លោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង។

នៅក្នុងកិច្ចប្រជុំក៏មានការអញ្ជើញចូលរួមពី លោកអនុប្រធានសេនាធិការ លោក លោកស្រី នាយ នាយរងការិយាល័យ លោក លោកស្រីនាយ នាយរងផ្នែក និងមន្ត្រីចំណុះការិយាល័យសរុបផែនការ និងការិយាល័យកិច្ចការប៉ុស្តិ៍នគរបាលរដ្ឋបាល លោកអធិការ អធិការរងទទួលការងារសេនាធិការ លោកនាយផ្នែកសេនាធិការ និងនាយផ្នែកកិច្ចការប៉ុស្តិ៍នគរបាលរដ្ឋបាលទាំង ៨ក្រុង/ស្រុក និងលោក​ លោកស្រីនាយប៉ុស្តិ៍នគរបាលរដ្ឋបាលទាំង៨០ប៉ុស្តិ៍ សរុបទាំងអស់មាន១២៩នាក់ ក្នុងនោះមានស្រី ៩នាក់។