ខេត្តសៀមរាប៖ ថ្ងៃសុក្រ ២រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៣ ខែធ្នូ ឆ្នាំ២០១៩ នៅរដ្ឋបាលខេត្តសៀមរាប មានកិច្ចប្រជុំពិភាក្សាការងារ និងចុះហត្ថលេខាលេីកំណត់ហេតុកិច្ចប្រជុំស្ដីពី កិច្ចសហប្រតិបត្តិការរវាងសៀមរាប កម្ពុជា ជាមួយសាកលវិទ្យាល័យវ៉ាសេដា ប្រទេសជប៉ុន ដឹកនាំដោយ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងលោក MITORI Naoki ប្រធានការិយាល័យកុងស៊ុលជប៉ុនប្រចាំខេត្តសៀមរាប និងមានការចូលរួមពី លោក លោកស្រី មន្ត្រីរាជការមកពីមន្ទីរ-អង្គភាព និងប្រតិភូអមដំណើរ សរុបចំនួន ៣៥នាក់។
គោលបំណង នៃកិច្ចប្រជុំពិភាក្សាការងារនេះ គឺដេីម្បីអនុវត្តគម្រោងការពារគ្រោះអគ្គិភ័យនៅតំបន់ផ្សារចាស់ និងអាគារប្រវត្តិសាស្ដ្រជុំវិញផ្សារចាស់ខេត្តសៀមរាប ព្រមទាំងមានពិធីប្រគល់-ទទួលម៉ាសុីនពន្លត់អគ្គិភ័យចល័ត ចំនួន ០២គ្រឿង ជាជំនួយរបស់សាកលវិទ្យាល័យវ៉ាសេដា ប្រទេសជប៉ុន ជូនដល់រដ្ឋបាលខេត្តសៀមរាប ៕
No comments:
Post a Comment