នៅក្នុងកិច្ចប្រជុំនេះដែរ ឯកឧត្តមអភិបាលរងខេត្ត ក៏បានមានអនុសាស្ដ្រល្អៗ ចូលរួមដូចតទៅ៖
-បន្តកិច្ចសហការល្អ និងដោយយកចិត្តទុកដាក់ខ្ពស់ រវាងមន្ទីរ អង្គភាពជុំវិញខេត្ត ជាមួយនាយកអាកាសយានដ្ឋានអន្តរជាតិសៀមរាប
-បន្តធ្វេីលំហាត់សមយុទ្ធឲ្យបានទៀងទាត់ រៀងរាល់ ៦ខែម្ដង និងសមយុទ្ធទ្រង់ទ្រាយធំរៀងរាល់ ២ឆ្នាំម្ដង ដេីម្បីស្រមតាមការកំណត់ស្តង់ដាអន្តរជាតិរបស់ក្រុមហ៊ុនអាកាសចរស៊ីវិលពិភពលោក
-ត្រូវត្រួតពិនិត្យសម្ភារៈបច្ចេកទេសជាប្រចាំ ដេីម្បីជៀសវាងពេលមានគ្រោះអាសន្នកេីតឡេីងដោយយថាហេតុ សម្ភារៈមិនអាចប្រេីប្រាស់បាន
-មន្ទីរ អង្គភាពពាក់ព័ន្ធទាំងអស់ ត្រូវរៀបចំសម្ភារៈបច្ចេកទេសនៅតាមអង្គភាពរៀងៗខ្លួន ទៅតាមលទ្ធភាពដែលអាចធ្វេីបាន
-នាយកអាកាសយានដ្ឋាន គួរសហការជាមួយអាជ្ញាធរមីន ដេីម្បីបន្តរុករកគ្រាប់មីន និងសារធាតុមិនទាន់ផ្ទុះ ទាំងនៅក្នុង និងក្រៅបរិវេណអាកាសយានដ្ឋាន ឲ្យបានបានចំងាយ ៨គីឡូម៉ែត្រ ជុំវិញ។
គោលបំណង នៃការធ្វេីសមយុទ្ធ REPEX19 មានដូចតទៅ៖
១-វាយតម្លៃលេីសមត្ថភាពក្នុងការអនុវត្តនៃប្រព័ន្ធដឹកនាំបញ្ជាគ្រោះអាសន្នក្នុងការឆ្លេីយតបឧប្បត្តិហេតុគ្រោះថ្នាក់យន្តហោះ និងប្រសិទ្ធភាពនៃការសហការគ្នាក្នុងការដឹកនាំបញ្ជា។
២-អនុវត្តលេីការសម្របសម្រួល និងការរួមបញ្ចូលគ្នារវាងប្រព័ន្ធដឹកនាំបញ្ជាគ្រោះអាសន្ន នៃស្ថាប័នអន្តរាគមន៍ទាំងអស់។
៣-ពិនិត្យ វាយតម្លៃលេីសមត្ថភាព នៃការបែងចែកជនរងគ្រោះ ការសង្គ្រោះបឋមលេីជនរងគ្រោះនៅកន្លែងកេីតហេតុ មុនពេលបញ្ជូនទៅកាន់មន្ទីរពេទ្យ និងការដឹកជញ្ជូនទៅកាន់មន្ទីរពេទ្យ។
៤-វាយតម្លៃផែនការ នៃការបញ្ចេញព័ត៌មានជាសាធារណៈ បញ្ហាប្រឈម និងការប្រេីប្រាស់សម្រាប់ធនធានសារព័ត៌មាន។
សូមបញ្ជាក់ថា សមយុទ្ធទ្រង់ទ្រាយធំREPEX19 គ្រប់គ្រងគ្រោះអាសន្នប្រចាំអាកាសយានដ្ឋានអន្តរជាតិសៀមរាបនឹងប្រព្រឹត្តទៅនៅថ្ងៃទី១៨ ខែធ្នូ ឆ្នាំ២០១៩ខាងមុខនេះ៕
No comments:
Post a Comment