ឃាតករបាញ់ប្រហារមន្រ្តីនគរបាលម្នាក់ចំក្បាលស្លាប់ ខណៈមន្រ្តីរូបនេះកំពុងអង្គុយផឹកកាហ្វេនោះត្រូវបានចាប់ខ្លួនហើយ

ខេត្តរតនគិរី៖ មន្រ្តីនគរបាលម្នាក់ត្រូវបានជនមិនស្គាល់អត្តសញ្ញាណធ្វើការបាញ់ប្រហារចំក្បាលចំនួន១គ្រាប់ស្លាប់ភ្លាមៗខណៈមន្រ្តីនគររូបនេះកំពុងអង្គុយផឹកកាហ្វេបណ្តាលអោយស្លាប់ភ្លាមៗ។ ​ហេតុការណ៍បាញ់ប្រហារនេះកើតឡើងនៅវេលា ម៉ោង៩,២៥នាទីព្រឹកថ្ងៃទី៣ខែកញ្ញាឆ្នាំ២០១៩ស្ថិតក្នុងភូមិអូរកន្សែង សង្កាត់បឹងកន្សែងក្រុងបានលុង ខេត្តរនគិរី ត្រង៉ចំណុចទៀមកាហ្វេជាប់ទីស្នាក់ការក្រុមហ៊ុនហ៊ងអាញ់ម៉ាងយ៉ាងខេទល់មុខភោជនីដ្ឋាន៧៧ក្បែផ្សារទំនើបសុីត្រា។​

បើតាមប្រភពនៅកន្លែងកើតហេតុបានអោយដឹងថាជនរងគ្រោះកំពុងផឹកកាហ្វេស្រាប់តែមាន រថយន្តបើកមកឈប់ពីមុខទៀមកាហ្វេរួចមាន បុរសម្នាក់ចុះពីរថយន្តម៉ាក Nissan Frontier  ស្លាកលេខភ្នំពេញ 2N-5011 នោះមកសំដៅ មកជនរងគ្រោះរួចដកកាំភ្លើងខ្លីK59ចាញ់ក្បាលធ្លាក់ពីកៅអីប្រកាច់ ក្រោយមកស្លាប់នៅមន្ទីរពេទ្យបង្អែកខេត្ត។​ បន្ទាប់មកខ្មាន់កាំភ្លើងត្រូវបានសមត្ថកិច្ចតាមប្រម៉ាញ់ចាប់បាន២ម៉ោងក្រោយផងដែរ។​

បើតាមបញ្ជាក់ពីលោក ហៃ វណ្ណរ៉ា មេPMក្រុងបានលុងបានអោយដឹងថា ករណីនេះជារឿងគំនុំផ្ទាល់ខ្លួនហើយជនរងគ្រោះមានឈ្មោះ ផន ទុំ អាយុ៣០ឆ្នាំ  ជាមន្រ្តីនគរបាលមានតួនាទីជានាយរងព្រហ្មទណ្ឌកំរិតស្រាលនៃស្នងការនគរបាលខេត្តរតនគិរី ឋានៈអនុសេនីយ៍ឯក។​

ហើយខ្មាន់កំភ្លើងត្រូវបានសមត្ថកិច្ចចាប់ខ្លួនបាននៅរមណីយ៍ដ្ឋានបឹងយក្ខឡោម​មានឈ្មោះ នួន មករា ជាមន្រ្តីនៅស្នងការនគរបាលខេត្តដូចគ្នារួចនាំមកស្នងការនគរបាលខេត្តដើម្បីចាត់ការតាមនីតិវិធីច្បាប់។