នាឱកាសនោះលោក ឈិន សេងងួន អភិបាលរងខេត្ត មានប្រសាសន៍ថា វគ្គបណ្តុះបណ្តាលដើម្បីផ្សព្វផ្សាយឯកសារបច្ចេកទេស ស្តីពីការកសាងផែនការអភិវឌ្ឍន៍៥ឆ្នាំរបស់ខេត្ត ដើម្បីធានាឲ្យការរៀបចំការកសាងផែនការអភិវឌ្ឍន៍៥ឆ្នាំរបស់ខេត្ត ស្របតាមឯកសារបច្ចេកទេសថ្មី ស្របតាមច្បាប់ស្ដីពីការគ្រប់គ្រងរដ្ឋបាល រាជធានី ខេត្ត ក្រុង ស្រុក ខ័ណ្ឌ ក្នុងមាត្រា៣៧ ក្រុមប្រឹក្សាត្រូវរៀបចំអនុម័តផែនការអភិវឌ្ឍន៍រយះពេល៥ឆ្នាំ និងត្រូវធ្វើបច្ចុប្បន្នភាពជារៀងរាល់ឆ្នាំ តាមការរៀបចំកម្មវិធីវិនិយោគបីឆ្នាំរំកិលប្រចាំឆ្នាំ។
លោកអភិបាលរងខេត្ត បានបញ្ជាក់ដំណើរការរៀបចំកសាងផែនការអភិវឌ្ឍរយះពេល៥ឆ្នាំ ក្រុមការងារកសាងផែនការអភិវឌ្ឍន៍ និងកម្មវិធីវិនិយោគខេត្ត ត្រូវអនវត្តន៍តាមសេចក្ដីណែនាំបច្ចេកទេសថ្មី គោលការណ៍ណែនាំផ្នែកគោលនយោបាយ គោលនយោបាយអភិវឌ្ឍន៍ជាតិរបស់រាជរដ្ឋាភិបាលនីតិកាលទី៦នៃរដ្ឋសភា ធ្វើជាមូលដ្ឋានក្នុងការកសាងផែនការអភិវឌ្ឍន៍ខេត្ត ដើម្បីដាក់ជូនក្រុមប្រឹក្សាខេត្តអាណត្តិទី៣ បំពេញទៅតាមសេចក្ដីត្រូវការនៃការអភិវឌ្ឍខេត្ត ពិសេសតម្រូវការលើកស្ទួយកម្រិតជីវភាពរស់នៅរបស់ប្រជាពលរដ្ឋក្នុងមូលដ្ឋាន។ វគ្គបណ្ដុះបណ្ដាលនេះ និងផ្តល់នូវបច្ចេកទេសថ្មីបន្ថែមទៀត ដល់ក្រុមការងារកសាងផែនការខេត្ត និងអ្នកពាក់ព័ន្ធបានយល់ដឹងអំពីការរៀបចំកសាងផែនការអភិវឌ្ឍន៍៥ឆ្នាំ ក៏ដូចជាបានរៀបចំផែនការក្នុងអាណត្តិទី៣ក្រុមប្រឹក្សារបស់ខេត្ត ដោយត្រូវធ្វើការបញ្ចូលនូវគោលនយោបាយ និងផែនការអភិវឌ្ឍន៍របស់វិស័យទាំងឡាយ ដែលប្រតិបត្តិការក្នុងផែនការសកម្មភាព ក្នុងដែនសមត្ថកិច្ចរបស់ខេត្ត ឱ្យអនុវត្តទទួលបានលទ្ធផលល្អ នាឆ្នាំបន្តបន្ទាប់ខាងមុខ ៕
No comments:
Post a Comment